XX. mendeko Euskararen Corpus estatistikoa
Testuingurua
Puntalen bertan genuen hurrengo eta azkeneko arazoa: Prantziko partean xendarmeak nola?, bada halatsu karabineroak; eta emakumeontzat, matronak.
Ez ziguten apenas inoiz kasorik egiten, ez musu-bapoak ginelako noski, eskupekoa asmatu zenetik oker asko zuzendu delako baizik.
Gainera oraingoan Beninorena geneukan.
Tiroa zergatik, galdetuko ziguten; Dupont madarikatu hura burutik egina zegoelako seko, erantzungo genien.
Guk etxekoei abixoa eman bitartean kontu egin ziezaiotela erregutuko genien; ezin ziren horretara ukatu.
Hala guk lasai hustuko genituen gure barrenak behar zen tokian.
Gaitzerdi, beraz, Benino gizajoaren kalamidadea....
Dena erdiz-erdi asmatu genuen.
Bottetik zazpirok nola edo hala bettittu, karabinero kaxotara igo eta hauen eta matronaren aurrean guzti horretaz, pausoz-pauso, ederki ari ginela, hara non hasten den berriro karraxika nire perikito petrala: - Trrramando-(kon)trrrabando!... trrramando(kon)trrrabando!!!.
Kantuan ez zekiena, lehen frantsesez eta orain gazteleraz!?? Nere artean:
Gainera nola bereiztu, ordea, bilaba arraio harek,
- Trrramando-(kon)trrrabando...!!!.
Ez zela isilduko! Akabo: han egin zuen ordurarteko gureak.
Karabineroetan ere ez ziren denak gure jokukoak (...).